2025 jyldyń qańtar-naýryz aıynda Almatydaǵy bólshek saýda kólemi 1,4 trln teńge boldy. Qaladaǵy bólshek taýar aınalymynyń respýblıkalyq kólemdegi úlesi – 31,6%. Bul týraly Almaty qalasynyń kásipkerlik jáne ınvestısıalar basqarmasy habarlady.
Olardyń málimetinshe, atalǵan kezeńde azyq-túlik taýarlarynyń satý kólemi 303,6 mlrd teńgege (úlesi – 21%), al azyq-túlikke jatpaıtyn taýarlar – 1,1 trln teńgege (úlesi – 79%) jetken.
2025 jyly naýryzda bólshek saýda taýar aınalymynyń kólemi aldyńǵy aımen salystyrǵanda salystyrmaly baǵamen 23%-ǵa artqan (571,2 mlrd teńge). Sondaı-aq, azyq-túlikke jatpaıtyn taýarlar boıynsha da 15,3%-ǵa ósim baıqaldy, dep atap ótti qalalyq kásipkerlik jáne ınvestısıalar basqarmasy.
