Olar alty medal jeńip aldy.
Matematıkadan Balqan olımpıadasynda qazaqstandyq oqýshylar 2 kúmis jáne 4 qola jeńip aldy, dep habarlaıdy Almaty-akshamy.kz.
«Sharaǵa qatysqan oqýshylar eldiń ulttyq quramasy byltyrdyń nátıjelerin jaqsartty. Iaǵnı 2021 jylǵa qaraǵanda el qorjynyna bir medal artyq tústi»,- delingen Bilim jáne ǵylym mınıstrliginiń baspasóz qyzmetiniń habarlamasynda.
Zıatkerlik jarystar 4-9 mamyr aralyǵynda Larnaka qalasynda (Kıpr) oflaın formatta ótti.
Bıyl olımpıadaǵa 16 elden 100-ge jýyq oqýshy qatysty. Olardyń qatarynda Albanıa, Bosnıa jáne Gersegovına, Bolgarıa, Kıpr, Makedonıa, Gresıa, Moldova Respýblıkasy, Chernogorıa Respýblıkasy, Rýmynıa, Serbıa jáne t.b. bar.
«Jyl saıyn saıysqa 6 adamnan quralǵan Qazaqstan quramasy qatysady. Bıyl el namysyn Almaty, Nur-Sultan, Qostanaı, Atyraý jáne Aqtaý qalalarynyń oqýshylary qorǵady. Saıysta balalar matematıkadan olımpıada tapsyrmalaryn óte qysqa merzimde sheshýi kerek boldy. Buǵan deıin Balalar jyly aıasynda daryndy oqýshylardy qoldaý maqsatynda respýblıka kóleminde túrli deńgeıdegi olımpıadalardy ótkizgen bolatynbyz. Olımpıadany ótkizý prosesi avtomattandyryldy. Bul olımpıadalardy aýdandyq deńgeıden respýblıkalyq deıgeıge deıin barynsha ashyq jáne transparentti ótkizýge múmkindik berdi. Balqan olımpıadasy daıyndyqtyń tıimdi ádisi jáne onyń oqýshylarymyzǵa negizgi halyqaralyq matematıkalyq olımpıadaǵa (IMO) daıyndalýǵa kómektesetinin atap ótkim keledi», - dedi «Daryn» respýblıkalyq ǵylymı-praktıkalyq ortalyǵynyń dırektory Tımýr Nurkeshev.