2022 jyldyń alǵashqy úsh aıynda Qazaqastannyń Túrkıaǵa eksport kólemi eki eseden astam ósti.
Qańtar-naýryz aılarynda elimiz baýyrlas elge 1 mıllıard 25 mıllıon dollardyń taýaryn jóneltti. Onyń ústine eksporttyń basym bóligi munaı men munaı ónimderiniń úlesine tıdi, al jetkizilimi shamamen 3 esege artty, dep habarlaıdy Almaty-akshamy.kz Qazaqtv.com saıtyna silteme jasap.
Sondaı-aq bul tizimde mys, myrysh, mazýt, suıytylǵan gaz, alúmını jáne feroqorytpalar bar. Al Túrkıa Qazaqstanǵa negizinen kıim-keshek, aıaq kıim, dári-dármek, plasmassa jáne qara metal buıymdary, kilemder, jıhazdar, sıtrýs jemisteri, kúnbaǵys tuqymdary men túrli jabdyqtar jetkizedi.
"Qazir túrik kapıtalyn eskere otyryp, quny 2 mıllıard dollardan asatyn 61 joba júzege asyp jatyr. Qazaqstanda túrik kapıtalynyń qatysýymen ekonomıkanyń ártúrli salalarynda 3700-den astam birlesken kásiporyn jumys isteıdi. Biz Prezıdentterimizdiń ekijaqty taýar aınalymynyń kólemin aldaǵy jyldary 10 mıllıard dollar deńgeıine jetkizý jónindegi tapsyrmasyn oryndaı alamyz dep oılaımyn", - Qazaqstannyń Túrkıadaǵy tótenshe jáne ókiletti elshisi Erkebulan Sápıev.
Aıta keteıik, qos tarap buǵan deıin 15 halyqaralyq kelisim bekitti. Olardyń qatarynda halyqaralyq júk tasymaly salasyndaǵy yntymaqtastyqty arttyrý týraly qujat bar. Onyń sheńberinde Qazaqstan halyqaralyq kólik dálizi mańaıynda ornalasqan elderdiń naryǵyna óz ónimin shyǵarýǵa múmkindik alady. Bul degenimiz Kaspıı jáne Qara teńiz jaǵalaýyndaǵy memleketter, Taıaý Shyǵys, Eýropa men Kavkaz elderi .