2025 jylǵy 4–12 mamyr aralyǵynda Saýd Arabıasynyń Dahran qalasynda 25-shi Azıa fızıka olımpıadasy (APhO-2025) ótti. Bedeldi halyqaralyq dodaǵa 30 elden 240-qa jýyq mektep oqýshysy qatysty, dep habarlaıdy aqshamnews.kz
Qazaqstan quramasy 100% nátıje kórsetti — barlyq segiz qatysýshy da júldeger atanyp, tórt kúmis jáne tórt qola medal jeńip aldy.
Sonymen qatar Astana qalasyndaǵy NurOrda mektep-lıseıiniń 10-synyp oqýshysy Nurgúl Egenbergenova olımpıadaǵa qatysýshy eń úzdik qyz bala retinde arnaıy «Best Female» syılyǵyna ıe boldy.
Kúmis medal ıegerleri:
Amırbek Azatbekov – Astana qalasyndaǵy FMB NZM;
Nurgúl Egenbergenova – NurOrda mektep-lıseıi, Astana qalasy;
Amır Pshenbaev – Spectrum International School, Astana qalasy;
Artýr Kım – Spectrum International School, Astana qalasy.
Qola medal ıegerleri:
Roman Cheremnov – Miras International School, Almaty qalasy;
İlıas Qazymbek – Respýblıkalyq fızıka-matematıka mektebi, Astana qalasy;
Danıel Tóleýbaev – NurOrda mektep-lıseıi, Astana qalasy;
Bekasyl Elýbaı – Almaty qalasyndaǵy NZM.
Komanda jetekshileri — Nurdáýlet Qalasov pen Andreı Sıdorenko.
Qazaqstan quramasyn shyn júrekten quttyqtaımyz!
Anyqtama retinde: Azıa fızıka olımpıadasy — teorıalyq jáne eksperımenttik kúrdeli tapsyrmalardy qamtıtyn joǵary deńgeıdegi halyqaralyq jarys. 2024 jyly qazaqstandyq oqýshylar bir kúmis, bes qola medal jáne bir madaqtama alǵan bolatyn. Al 2025 jyly komanda tolyq quramda júlde alyp, aıtarlyqtaı kórsetkishke qol jetkizdi.