7–13 mamyr aralyǵynda Tashkent qalasynda matematıka jáne ınformatıka pánderinen III Halyqaralyq Ál-Horezmı olımpıadasy ótti, dep habarlaıdy aqshamnews.kz
Shyǵys Qazaqstan oblysynan «Bilim-ınnovasıa» mektep-lıseıiniń 9-synyp oqýshysy Aldıar Amangeldi altyn medal jeńip alyp, toǵyz elden kelgen 200-den astam daryndy oqýshylar arasynan eń úzdik qatysýshy atandy.
Bizdiń eldiń quramasy 100% nátıjege qol jetkizdi – alty qatysýshynyń barlyǵy júldemen oraldy:
Aldıar Amangeldi – Óskemen qalasynan «Bilim-ınnovasıa» lıseıiniń 9-synyp oqýshysy;
Álı Mendeke – Semeı qalasynan «Bilim-ınnovasıa» lıseıiniń 9-synyp oqýshysy;
Meıirbek Murat – Oral qalasynan NZM-niń 9-synyp oqýshysy;
Medeý Jubatyrov – Aqtaý qalasynan «Bilim-ınnovasıa» lıseıiniń 8-synyp oqýshysy;
Aıdaıbek Abdýrahman – Taraz qalasynan «Bilim-ınnovasıa» lıseıiniń 9-synyp oqýshysy;
Nurıslam Dúısenǵalı – Almaty qalasynan RFMM-niń 9-synyp oqýshysy.
Komandanyń jattyqtyrýshylary — Ibragım Ibatýlın men Jambyl Maksotov.
Ál-Horezmı olımpıadasy Ortalyq Azıa jastarynyń zıatkerlik áleýetin damytýǵa jáne naqty ǵylymdardy nasıhattaýǵa baǵyttalǵan. Ótken jyly bizdiń oqýshylar 4 medal jeńip alǵan bolatyn.