3D murajaı 4 bólimnen turady.
Abaı oblysynyń oqýshysy Nuráli Amangeldıev qazaq halqynyń tarıhyndaǵy quqyqtyq derek kózderin zertteý maqsatynda vırtýaldy 3D týr-mýzeıin ázirledi, dep habarlaıdy Almaty-akshamy.kz
Vırtýaldy álemge kirgen qonaqty dybys gıd qarsy alyp, ár dáýirdegi dástúrli quqyq pen sot júıesiniń qalyptasý jolymen tanystyrady.
3D murajaı 4 bólimnen turady:
Birinshi – "Ejelgi dáýirdegi Qazaqstandaǵy dástúrli quqyq jáne sot bıligi"
Ekinshi – "Orta ǵasyrlardaǵy sot-quqyqtyq júıe"
Úshinshi – "Revolúsıaǵa deıingi kezeńder"
Tórtinshi bólim - "QR Táýelsizdik jyldaryndaǵy quqyqtyq jáne sot júıesiniń qalyptasýy men damýy" dep atalady.
Oqýshynyń aıtýynsha, bul joba vırtýaldy keńistikte qazaq tarıhyndaǵy quqyqtyq júıeniń saq taıpasynan bastalyp, búginge deıingi qalyptasý jol týraly aqparat alýǵa bolady. Osy salany zertteýshiler úshin tıimdi tásil.
"Vırtýaldy murajaıdyń kómegimen bir núkteden ekinshi núktege ótýge, alys jerlerge qaraýǵa, úlkeıtýge nemese kerisinshe keıbir zattardy alystatýǵa bolady. 3D týr mýzeıi - oqýshylardyń tarıh pánine qyzyǵýshylyǵyn arttyrady, quqyqtyq taqyryptardy meńgerýge paıdasyn tıgizedi. Zertteýdiń qalypty ádisterine qaraǵanda jańa format oqýshylardyń izdenisin arttyrady", – deıdi Nuráli Amangeldıev.
Vırtýaldy murajaıdyń taǵy bir ereksheligi - estý qabileti tómen balalar úshin týrdy túsindiretin sýrdodaýdarmashy da bar. Oqýshy daıyndaǵan baǵdarlamany Jazkent kentiniń mektep lıseıiniń pedagogteri quqyq negizderi páninde qosymsha ádisteme retinde qoldanyp, oń nátıje bergen. Nuráli Amangeldıevtiń aldaǵy ýaqytta VR tehnologıasynyń kómegimen jańa jobalardy júzege asyrmaqshy.