Antıkor «Artsport» jobasynyń jemqorlyq faktileri týraly málimetterdi jarıalady.
Agenttiktiń 2022 jylǵy sybaılas jemqorlyqqa qarsy is-qımyl týraly ulttyq baıandamasynda «Artsport» jobasy sheńberindegi jemqorlyq isteri jaıly aqparat berilgen, dep habarlaıdy Almaty-akshamy.kz
«Úıirmeler men seksıalardy memleketten qarjylandyrý jolymen buqaralyq balalar sporty men shyǵarmashylyǵyn damytýǵa baǵyttalǵan «Artsport» jobasy sheńberinde anyqtalǵan sybaılas jemqorlyq sqemalary qoǵamda úlken rezonans týdyrdy. Jan basyna shaqqandaǵy qarjylandyrýǵa shamamen 43 mlrd teńge bólindi (2021 jyly – 5,8 mlrd teńge, 2022 jyly – 37 mlrd teńge). Baǵdarlama iske asyrylǵan qysqa merzimniń ishinde 11 adamǵa qatysty 19 qylmystyq is tirkeldi. 6 adamnyń isi sotqa berilip, onyń 4-eýi sottaldy», - delingen qujatta.
Antıkor málimeti boıynsha, sybaılas jemqorlyq táýekelderi baǵdarlamaǵa bólingen qarajatty ıgerýdiń barlyq kezeńinde anyqtalǵan.
«Búdjettiń merziminen buryn ıgerilýine baılanysty joba eki ret toqtap qaldy. Sondaı-aq «ArtSport» elektrondyq platformasynda qujattardy berý jáne sabaqqa qatysýdy esepke alýdy sıfrlandyrýdyń jetkiliksizdigi anyqtaldy. Júıeniń shalaǵaılyǵy «ómirde joq» jandardy engizýge múmkindik berdi», - dep jazylǵan ulttyq baıandamada.