Qazaqstandyq ónimder qytaılyq tutynýshylar arasynda tanymal bola túsýde
Qytaıdaǵy EKSPO kórmesinde otandyq taýar óndirýshilerdiń alýan túrli assortımentimen tanysýǵa bolady, dep habarlaıdy Almaty-akshamy.kz
Qazaqstan «Bir beldeý, bir jol» bastamasynyń belsendi qatysýshysy bola tura, osymen 4-shi jyl qatarynan atalmysh halyqaralyq is-sharada óz ónimderin usynyp keledi.
«Qytaılyqtar Qazaqstanda shyǵarylǵan joǵary sapaly ónimderdi qatty jaqsy kóredi. Bizdiń taýarlar olardyń talaptaryna saı keledi. Qazir Qytaıda túıe súti asa suranysqa ıe. Bizde osy ónimdi shyǵaratyn eki kompanıa usynylǵan», - deıdi QR Ulttyq stendiniń jetekshisi Álibek Smaılov.
Osy jyldyń basynda otandyq óndirýshiler Qytaıǵa 220 myń quty qurǵaq túıe sútin jetkizip úlgergenin aıta ketken jón.
«Biz óz ónimimizdi 100% tabıǵı túıe sútinen alamyz. Qazaqstanda keıbir aýrýhanalar túıe sútin naýqastarǵa tezirek aıaqqa turyp ketýi úshin beredi. Sebebi túıe súti óte qundy. Onyń quramynda amınqyshqyldary, mıneraldar men dárýmender bar. Biz, qytaılyq ınvestorlar túıe sútiniń paıdasyn baǵalap, salanyń bolashaǵy baryn sezdik, sondyqtan Qazaqstanǵa ınvestısıa salyp otyrmyz», - deıdi kompanıa ókili Shı Lıda.
Aıta keteıik, bıyl Shanhaıdaǵy kórmege Qazaqstannan 26 kásiporyn qatysty.