Bokstan áıelder arasynda 2021 jyldyń 6-19 jeltoqsanyna josparlanǵan álem chempıonaty keıinge shegerildi dep habarlaıdy Almaty-akshamy.kz Olympic.kz-ke silteme jasap.
AİVA atalǵan týrnırdi ótkizge bar kúshin salǵanyman, kóptegen ulttyq federasıalardyń óz elderindegi shekteýlerge baılanysty qıyndyqqa tap bolǵany anyqtaldy, dep habarlaıdy Almaty-akshamy.kz Ulttyq olımpıada komıtetine silteme jasap.
Osyǵan oraı, AİVA dırektorlar keńesi Túrkıa ulttyq federasıasymen keńese kele, álem chempıonatyn 2022 jylǵa shegerý týraly sheshim qabyldady.
«Kóptegen komandalar jarysqa daıyndalyp jatqandyqtan, olardyń bul jańalyqty aýyr qabyldaıtynyn bilemiz. Alaıda, sportshylar men resmı tulǵalardyń jáne ózge de uıymdastyrýshylardyń qaýipsizdigi birinshi orynda. Sondyqtan, biz táýekelge bara almaımyz», - dedi AİVA prezıdenti Ýmar Kremlev.