Qazaqstandyq ónertapqyshtar birneshe sekýndta kúızelisten shyǵýǵa kómektesetin neıroqulaqqaptar oılap tapty.
Jobany 5 jyl boıy ǵalymdarmen birlesip zerttegen. Gadjet kópshilik nazaryna ınnoprom halyqaralyq kórmesinde usynyldy. Sıfrlyq medıtasıa. Qazaqstandyq ónertapqyshtar Innoprom halyqaralyq kórmesinde neıroqulaqqaptar usyndy. Qurylǵyda 10 rejım bar, 6 sekýndtan 3 mınýtqa deıin ýaqyt aralyǵynda adamnyń júıke júıesin tynyshtandyryp, tynyǵyp alýǵa múmkindik beredi.
«Biz adamdarǵa kúızelisten shyǵýǵa, az ýaqyt ishinde kómektesýge múmkindik beretin ádis izdedik. Nátıjesinde osyndaı neıroqulaqqaptar oılap taptyq. Bul gadjet memlekettik qyzmetshilerge de, medısınalyq mekemelerge de, tipti barlyq jerde jaqsy kómektesedi», - deıdi joba avtory Qanat Nurymbekov.
Jobany iske asyrý úshin 5 jyl ýaqyt ketti. Qazir mamandar Asfendıarov atyndaǵy Ulttyq medısına ýnıversıtetiniń bazasynda zertteý júrgizip jatyr. Ázirleýshiler gadjetti relaksasıa bólmelerinde qoldanylatyn medısınalyq qurylǵy retinde usynýdy josparlap otyr.
«Densaýlyqqa áser etpeıdi. Jobany biz psıhologıa turǵysynan ǵana emes, medısına jaǵynan da zerttedik. Ǵalymdarmen birge jumys istedik. Shetelden de mamandar tarttyq. Biz úshin eń bastysy – adamdardyń densaýlyǵy. Áli de birqatar zertteý júrgizemiz», - deıdi joba avtory, psıholog Juldyz Jandeleeva.