Kaspıı teńiziniń qazaqstandyq akvatorıasyndaǵy soltústik bóligi tartylyp barady.
Bul týraly «Qazaqstan Ǵarysh Sapary» UK» AQ-nyń baspasóz qyzmeti habarlady. Málimetke súıensek, ǵaryshtan júrgizilgen monıtorıń Kaspıı teńiziniń tartylý aýqymyn kórsetip otyr, dep habarlaıdy Almaty-akshamy.kz Elorda.info-ǵa silteme jasap.
«Tarıhı kezeń ishindegi (15 jyl) ártúrli ýaqyttaǵy ǵaryshtyq túsirilim derekteri boıynsha Kaspıı teńiziniń jaǵdaıyna monıtorıń júrgizildi. Ǵaryshtyq túsirilimderdiń muraǵat derekterine sáıkes, Qazaqstan akvatorıasynyń soltústik bóliginde teńiz túbi kórindi. Kaspıı teńizi tartylyp barady. Jerdi qashyqtyqtan zondtaý derekteri boıynsha sońǵy 15 jylda Kaspıı teńiziniń Qazaqstandyq sektorynyń akvatorıasy aıtarlyqtaı (7,1%-ǵa) qysqardy», -delingen kompanıa taratqan málimette.
Soynmen qatar ǵylymı ortalyq shekaradaǵy 2008-2023 jyldar aralyǵyndaǵy sý betiniń aýdanyndaǵy ózgerister dınamıkasyn jarıalady.
«Kaspıı teńiziniń qazaqstandyq sektorynyń sý beti aýdany 2008 jyly 113 866,67 sharshy shaqyrymdy, 2023 jyly bul kórsetkish 105 745,23 sharshy shaqyrymdy qurady. 15 jyl ishinde ártúrli ýaqytta túsirilgen ǵaryshtyq sýretterdiń analızi sý beti aýdanynyń azaıǵanyn anyqtady. Biraq, teńiz deńgeıi tómendegeni de múmkin, bul jan-jaqty keshendi zertteýdi qajet etedi. Kaspıı teńizi deńgeıiniń tómendeýi ekojúıege de, teńiz sharýashylyǵyna da áser etetin birqatar jaǵymsyz saldarǵa ákelýi múmkin. JQZ málimetterine sáıkes eń osal oryn Atyraý qalasyna jaqyn jerdegi Kaspıı teńiziniń qazaqstandyq bóligi bolyp tabylady», - dep jazdy «Qazaqstan Ǵarysh Sapary» UK» AQ-nyń baspasóz qyzmeti