Qazaq ónerpazdary «Adaı», «Kóróǵly», «Álqıssa» kúıleri men Oljas Súleımenovtyń «West» týyndysyn oryndady.
Olar «Halyq aspaptary» nomınasıasy boıynsha top jaryp, halyqaralyq qazylar alqasynyń joǵary baǵasyna ıe boldy, dep habarlaıdy Almaty-akshamy.kz Egemen.kz-ke silteme jasap.
Mádenıet jáne sport mınıstrliginiń qoldaýymen «Roza Baǵlanova atyndaǵy «Qazaqkonsert» memlekettik konserttik uıymynyń solıseri, «Daryn» memlekettik jastar syılyǵynyń laýreattary – «T&Y» dombyrashylar dýetiniń músheleri Temirlan Oljabaı men Ernat Naýryz «Open Italy» aspapty oryndaýshylardyń halyqaralyq mýzyka baıqaýynda bas júldeni jeńip aldy
«Open Italy» aspapty oryndaýshylardyń halyqaralyq mýzyka baıqaýy jyl saıyn Italıa memleketiniń Pezaro qalasynda ótedi. Sharaǵa álemniń túkpir-túkpirinen aspapshylar shaqyrylǵan. Baıqaýǵa 24 elden úmitkerler qatysty.
İs-shara aıaqtalyp, qorytyndylar jarıalanǵannan keıin mindetti túrde qazylar alqasynyń ókilderimen dóńgelek ústel ótkiziledi. Aıta keteıik, baıqaý aıasynda sheberlik synyby da qarastyrylǵan.
Baıqaýdyń negizin qalaýshylar – Ispanıanyń «Fiestalonia Milenio» festıvál komıteti, «Ad Arte» qaýymdastyǵy (Italıa) jáne bas keńsesi Londonda ornalasqan «Fiestalonia International» daryndy oryndaýshylardyń prodúserlik ortalyǵy.