Astana mańynda Mádenıet jáne sport mınıstrliginiń tapsyrysy boıynsha «Bozoq» memlekettik tarıhı-mádenı mýzeı-qoryǵy salynyp jatyr.
412 gektar aýmaqty alyp jatqan keshen elimizdegi eń úlken ashyq aspan astyndaǵy mýzeı bolmaq, dep habarlaıdy Almaty-akshamy.kz Egemen.kz-ke silteme jasap.
Qazirgi kezde mýzeı aýmaǵyna qos qaptaldan kirýge arnalǵan bıiktigi 7 metrden asatyn kireberis qaqpa men bekinis qabyrǵalarynyń qurylysy bastaldy. Kireberis pen bekinistegi munaralar sol kezeńdegi tehnologıa boıynsha arnaıy jasalǵan qurylys materıaldarymen qaptalady.
Jobanyń negizgi maqsaty - ashyq aspan astyndaǵy mýzeıde dala órkenıetiniń ozyq jetistikterin kórsetý. Munda Bozoq qalashyǵymen qatar, eneolıt dáýirinen orta ǵasyrlarǵa deıingi tarıhı keshenderdiń tarıhı rekonstrýksıasy boı kóteredi.
Ár keshende materıaldyq jáne rýhanı mádenıettiń qalyptasý tarıhy kórsetiledi: saraı keshenderi, ǵıbadathanalar, turǵyn úıler, metalýrgıalyq jáne qysh peshter, ustahanalar men sheberhanalar, qolónershiler oramy, ortaǵasyrlyq bazar, petroglıfter jáne t. b.
Bolashaqta Bozoq ınovasıalyq joba retinde elordanyń ǵana emes elimizdiń týrısik kartasynda tartymdy mádenı ınfraqurylymǵa aınalady dep kútilýde. Tarıhı-mádenı joba shaǵyn jáne orta bıznesti damytýǵa, jańa jumys oryndaryn qurýǵa serpin beredi.
«Búgingi jastar kózben kórip, qolmen ustaýǵa bolatyn aqparatty jaqsy qabyldaıdy. Jańa formattaǵy mýzeı olarǵa sol dáýirdiń atmosferasyn, halyqtyń turmysyn tolyq sezinýge jáne dala órkenıetiniń ozyq mádenıetimen tanysýǵa múmkindik beredi. Bul joba bolashaqta Qazaqstannyń tanymal týrısik brendteriniń birine aınalatyny anyq. Mýzeı-qoryq ashý ishki jáne kelý týrızmin damytýǵa múmkindik beredi, elorda óńiriniń ınvestısıalyq tartymdylyǵyn jaqsartady, Qazaqstannyń Eýrazıanyń dalalyq tarıhynyń saqtaýshysy retindegi halyqaralyq ımıjiniń ósýine oń yqpal etetin bolady», - dedi QR MSM «Bozoq» memlekettik tarıhı-mádenı mýzeı-qoryǵynyń dırektory Sáýle Bóribaeva.