Elimizde arnaıy bilim berý uıymdarynyń jelisi jyl saıyn kóbeıip keledi.
Mektepterdiń 86%-dan astamy ınklúzıvti bilim alýǵa jaǵdaı jasady, dep habarlaıdy Almaty-akshamy.kz QR Oqý-aǵartý mınıstrliginiń baspasóz qyzmetine silteme jasap.
Balalardy oqý-tárbıe prosesinde súıemeldeý úshin pedagog-assıstent shtaty engizildi. Qazir olardyń sany 2,5 myńnan asty.
«Oqý-aǵartý mınıstrligi «Dara» qorymen birlesip 0-den 3 jasqa deıingi balalarǵa arnalǵan «Erte qoldaý» jobasyn iske asyrýda. Búginde elimizde erekshe bilim berýdi qajet etetin 200 myńnan astam bala bar. 500-ge jýyq bilim berý uıymy erekshe bilim berýdi qajet etetin balalarǵa túzetý-bilim berý qyzmetterin kórsetip keledi. Sondaı-aq 1051 mektepte ınklúzıvti bilim berýdi qoldaý kabınetteri jumys jasaıdy», - deıdi ınklúzıvti jáne arnaıy bilim berý departamentiniń dırektory Laýra Býtabaeva.
Aıta ketý kerek, 2019 jyldan bastap arnaıy bilim berý uıymdarynyń jelisi 83 birlikke, al erekshe bilim berý qajettilikteri bar balalardy qamtý 20%-dan astamǵa ulǵaıdy. Búgingi tańda balalardyń 76%-y arnaıy psıhologıalyq-pedagogıkalyq qoldaýmen qamtylǵan.