Jándik chıkýngýná vırýsy, bezgek sıaqty qaterli aýrýlardy tasymaldaıdy.
DDU málimetinshe, masanyń shaqqanynan jylyna mıllıondaı adam o dúnıelik bolady, dep habarlaıdy Almaty-akshamy.kz
Osyndaı zıanyna qaramastan, masalar tabıǵattaǵy tepe-teńdikti, ekojúıeni saqtaýda ózindik ról atqarady.
Eresek masalar qustardyń, jarqanattardyń, baqalardyń, órmekshilerdiń qoregi. Sýdaǵy masa lıchınkalaryn balyqtar, basqa da omyrtqasyzdar jeıdi.
Masalar basqa jándiktermen, janýarlarmen birlesip, ekojúıeniń turaqtylyǵyn, keıbir popýlásıanyń sanyn retteýge qatysady. Masalar gúlderdi de tozańdandyrady, árıne olar bul jaǵynan aralar men kóbelekterge jetpeıdi.
Masanyń lıchınkalary tabıǵı sý qoımalaryndaǵy organık zattardyń shirýine kómektesedi.
Masanyń bolýynyń ózi sý ekosıstemasynyń ahýaly durys ekendiginiń belgisi, eger sýdyń sapasy buzylyp, qorshaǵan orta jaǵdaıy nasharlasa, ondaı jerde masa bolmaıdy.
Negizi adamdardy masanyń urshaǵylary ǵana shaǵady. Keıbir adamdardy masa shaqqysh keletini bar, bul fızıologıalyq jaǵdaıyna, tersheńdikke jáne basqa sıpattarǵa baılanysty deıdi zertteýshiler.
Cell jýrnalynda jarıalanǵan zertteýge sáıkes, terisi karbon qyshqylyn kóp bóletin adamdardy masa kóp shaǵady eken. Karbon qyshqyly – tabıǵı qosylys, ol epıdermısti ylǵaldandyryp, qorǵap turady.