Qazaqstandyq mamandar ChatGPT-diń balamasyn jasaıdy, dep habarlaıdy Almaty-akshamy.kz.
«ChatGPT qazaq tilinde jumys isteı alady. Biraq ol qazaq tilinde sóılep, suraqtarǵa erkin jaýap berý úshin shamamen 13 mlrd token kerek. Búginde onda 1,5 (mlrd token) bar, bul 10 ese az. Qazir aldymyzda kitaphanalar, shyǵarmalar men qazaqstandyq mentalıtetti eskerip, otandyq modeldi ázirleý mindeti tur. Jyldyń sońyna deıin qazaqsha modeldi ázirlep, qoǵamǵa usynylady», - dedi "Sıfrlyq úkimetti qoldaý ortalyǵy" bas dırektory Rústem Bıǵarı.
Rústem Bıǵarı ChatGPT-diń balamasyn iske qosý úshin sýperkompúter keregin atap ótti.
«Búginde Nazarbaev ýnıversıtetiniń bazasynda 2 sýperkompúter bar. Bul qajetti normadan 10-15 ese az. Prezıdent Qasym-Jomart tapsyrma berip, Sıfrlyq damý, ınovasıalar jáne aeroǵarysh ónerkásibi mınıstrligi sýperkompúterlerdi satyp alyp, ony iske qosýǵa kiristi. Bul ǵalymdarǵa qazaqstandyq lıngvısıkalyq modeldi ázirleýge múmkindik beredi», - dedi ol.
Bas dırektor búginde jobaǵa kásipkerler qyzyǵýshylyq tanytyp otyrǵanyn aıtty.
«Qańtarda memleket basshysy qazaqstandyq úlgini jasaý týraly aıtqanda 2-3 sheshim bolsa, qazir olardyń sany ósip jatyr. Jobaǵa bıznes qyzyǵýshylyǵy artty. Bizdi bul qýantady. Óz tarapymyzdan derekter jáne esepteý qýatymen qamtamasyz etemiz», - dedi Rústem Bıǵarı.