Qolymyzda bar agrotehnologıalardy tıimdi paıdalaný qajet - QR ASHM mınıstri
QR Aýyl sharýashylyǵy mınıstri Erbol Qarashókeev qazaqstandyq ónimderge, atap aıtqanda, kúnbaǵys tuqymdary, un, bıdaı men maıly daqyldarǵa eksporttyq suranys ósetinin aıtty, dep habarlaıdy Almaty-akshamy.kz
«Biz qazir kúnbaǵys tuqymyna, maıly daqyldarǵa, bıdaı, un jáne osy ónimderdi óńdeýdiń barlyq spektrine suranys artady dep boljaı alamyz. Bizdiń mindetimiz - bul suranysqa daıyn bolý jáne aldymen qazaqstandyqtardyń jeke qajettiligin qanaǵattandyryp, artyǵyn eksportqa shyǵarý maqsatynda áreket etý», - dedi Erbol Qarashókeev.
Mınıstrdiń aıtýynsha, azyq-túliktiń barlyq túri, sonyń ishinde kúnbaǵys maıy men un da birshama qymbattady.
«Biz barlyq alqaptardy barynsha egip, jaqsy ónim alýymyz kerek. Qolymyzda bar agrotehnologıalardy tıimdi paıdalaný qajet», - dedi mınıstr.