Otandyq kompozıtor Sergeı Kım Avstrıanyń óner jáne ǵylym salasyndaǵy bedeldi syılyǵynyń ıegeri atandy.
Jerlesimiz baıqaýǵa qatysý úshin óziniń 40 mınýttyq avtorlyq pesasyn usynǵan. Aıta keteıik, Teodor Kórner atyndaǵy premıa talantty ári jas óner ıelerine 1954 jyldan beri jyl saıyn berilip keledi, dep habarlaıdy Almaty-akshamy.kz Qazaqtv.com saıtyna silteme jasap.
Teodor Kórner Avstrıany basqarǵan jyldary óner men ǵylymdaǵy azamattardy qoldaý maqsatynda óz atynan premıany oılap tapqan. Mine, sodan beri jarty ǵasyrǵa jýyq bedeldi syı tek memlekettiń qazirgi prezıdentiniń qolynan tabystalyp keledi.
«Birinshiden, bul syılyq 35 jasqa deıingi jas mýzykanttarǵa arnalǵan. Bir jyl buryn uıymdastyrýshylar anons jasaıdy. Basty talaptardyń biri – kompozıtor óziniń daıyn shyǵarmasyn emes, jazylyp jatqan shyǵarmasyn usynýy tıis. Al ony aıaqtaıtyn ýaqyty dál syılyq beriletin kez. Bul birinshi talap, ekinshisi jazylǵan pesa Avstrıa eliniń shyǵarmashylyǵynan, óneri men mádenıetinen syr shertýi kerek», - deıdi kompozıtor Sergeı Kım.
Aıta keteıik, atalǵan baıqaý jeńimpazdary ádette jyl sońynda belgili bolady. Biraq koronavırýs indetiniń órshýinen syılyqty tabystaý rásimi bıylǵa qaldyrylǵan.