Olardy «Órleý» biliktilikti arttyrý ulttyq ortalyǵynyń ókilderi EdCrunch Academy-men birlesip ázirledi.
Mamandar 12 pán boıynsha 44 baǵdarlama ázirledi. Elimizdiń túkpir-túkpirinen barlyǵy 40 000-nan astam matematıka, ınformatıka, fızıka, hımıa, bıologıa, geografıa, tarıh, jaratylystaný, qazaq, orys, aǵylshyn tilderi jáne bastaýysh synyp muǵalimderi kýrstan ótedi, dep habarlaıdy Almaty-akshamy.kz.
«Kýrstar bastalǵan kúni 6 603 muǵalim oqýǵa kiristi. Kýrstardy bastamas buryn muǵalimder sıfrlyq platformada dıagnostıkalyq testileýden ótedi. Bul kýrstar bastalǵan kezde muǵalimderdiń pándik bilim deńgeıin anyqtaý úshin qajet. Testileý pedagogterdiń oqýdaǵy qajettilikterin anyqtaýǵa jáne bilim berý baǵdarlamasynyń tıimdiligin baǵalaýǵa kómektesedi. Kýrstyń basynan sabaqtyń sońǵy nátıjesine deıingi oqý prosesi tolyǵymen taldanady. Testileý nátıjeleri qupıa bolady jáne qorytyndy baǵalaýda esepke alynbaıtynyn eske sala keteıik», - dedi Oqý-aǵartý mınıstrligi «Órleý» biliktilikti arttyrý ulttyq ortalyǵy AQ basqarma tóraǵasy Ásel Muhametjanova.
Kýrstardy ótý qorytyndysy boıynsha muǵalimderdiń biliktiligin arttyrý úshin oqytýdyń tıimdiligine taldaý jáne olardyń alǵan bilimderin qorytyndy baǵalaý júrgiziledi. Muǵalimderdiń sabaqqa qatysýy jáne olardyń sabaqtaǵy belsendiligi, mysaly, synyptaǵy/toptaǵy basqa qatysýshylarmen ózara árekettesý, jaýap berý jáne jańa ıdeıalar men sheshimderdi usyný sıaqty krıterııler boıynsha baǵalanady. Sodan keıin muǵalimder qorytyndy test tapsyrady.
Testileýdi sátti aıaqtaý - kýrsty aıaqtaýdyń mindetti sharty. Sertıfıkattar barlyq krıterıı boıynsha shekti bal jınaı alǵan qatysýshylarǵa ǵana beriledi. Halyqaralyq tájirıbe kórsetkendeı, pándik quzyrettilikterdi arttyrýǵa arnalǵan bilim berý baǵdarlamalary pedagogterdiń kásibı damýyna jáne jumys sapasyna oń áser etedi. Bul sonymen qatar jalpy bilim sapasyna, onyń ishinde oqýshynyń bilimine de oń áserin tıgizedi.