QR Kólik mınıstri Marat Qarabaevtyń Kanadanyń Monreal qalasyna jumys sapary barysynda HAAU-nyń 14-shi aeronavıgasıalyq konferensıasy (AN-Conf/14) aıasynda Kanada Kólik mınıstriniń orynbasary Arýn Tangaradjben kezdesýi ótti.
Kezdesý barysynda taraptar avtojol qurylysy boıynsha tájirıbemen almasý maqsatynda qazaqstandyq jolshylardyń Kanadaǵa saparyn uıymdastyrýǵa kelisti, dep habarlaıdy aqshamnews.kz Kólik mınıstrligine silteme jasap.
Sondaı-aq, Kanadanyń Kólik mınıstrliginiń basshylyǵymen eki el arasynda tikeleı áýe qatynasyn ashýdyń quqyqtyq negizderin qurý týraly kelisimge qol jetkizdi.
Sapar aıasynda kanadalyq DeHavilland jáne Bombardier áýe kemelerin shyǵaratyn kompanıalardyń basshylyǵymen shaǵyn avıasıany damytý týraly yntymaqtastyq máselelerin talqylaý boıynsha kezdesýler ótti.
Sonymen qatar, «NDT Technologies Inc» kompanıasynyń tóraǵasymen kezdesý ótti. Qos tarap temirjol kóligi salasyndaǵy yntymaqtastyq máselesin pysyqtaýǵa kelisti.
Anyqtama úshin:
«NDT Technologies Inc» sıfrlyq optıka, últradybystyq, elektromagnıttik jáne lazerlik baqylaý tehnologıalaryn paıdalanatyn avtomattandyrylǵan júıelerdi jobalaý, ornatý jáne tehnıkalyq qyzmet kórsetýmen aınalysatyn ıntegrasıalanǵan avtomattandyrylǵan buzýshylyqty baqylaý (BB) jáne ólsheý júıeleriniń jetkizýshisi bolyp tabylady.
Qazaqstandyq jolshylar kanadalyq áriptesteriniń tájirıbesin zertteıdi
- Avtor aqshamnews.kz
- 16:16, 28 tamyz 2024
Sýret: Gov.kz