Qazaqstandyq Maksım Sajnev jasóspirimder arasyndaǵy Azıa oıyndarynda altyn medal jeńip aldy, dep habarlaıdy Aqshamnews.kz.
Bahreın astanasy Manamada ótip jatqan jasóspirimder Azıa oıyndarynda qazaqstandyq jeńil atlet Maksım Sajnev dısk laqtyrý saıysynda 63,23 metr nátıjemen top jardy. Bul kórsetkish – jasóspirimder Azıadasynyń jańa rekordy. Buǵan deıingi úzdik nátıje 62,03 metr bolǵan.
Kúmis júldeni Qytaı sportshysy Szánes Kýnchýan (62,40 m), qola medaldy Iran ókili Reza Samımıshalamzarı (53,86 m) ıelendi.
Bul – Qazaqstan quramasynyń Manamadaǵy segizinshi altyn medali. Buǵan deıin altyndy el qorjynyna velosportshylar, taekvondoshy Aıym Serikbaeva men Evgenıı Vasenkın, MMA sheberleri Amelına Bakıeva men Sanjar Qartaı, mýaı-taıdan Albına Jumınova jáne velosportshy Ánel Tashbaı salǵan bolatyn.