Jas sportshy Aıan Moldaǵalıev nebary 22 jasta edi.
Bul týraly Qostanaı oblystyq sport basqarmasy málim etti, dep habarlaıdy Almaty-akshamy.kz
«Altynshy maýsym kúni sporttyq gımnastıkadan Qazaqstan Respýblıkasynyń sport sheberi Aıan Moldaǵalıevtiń ómirden ótkenin ókinishpen habarlaımyz. Ol ataqty sportshy boldy jáne mansabynda aıtarlyqtaı jetistikterge jetti. Aıan 2007 jyldan bastap jarystarǵa qatysyp, elimizdiń birneshe dúrkin chempıony atandy. Ol halyqaralyq týrnırlerde de jeńiske jetip, óziniń joǵary kásibı deńgeıin dáleldedi. Aıan ulttyq quramanyń múshesi atanyp, eldegi sporttyq gımnastıka tarıhynda óshpes iz qaldyrdy», - delingen habarlamada.
Aıan Moldaǵalıev 2018 jyly Argentına astanasy Býenos-Aıreste ótken jasóspirimder Olımpıadasyna qatysyp, altynshy orynnan kórindi.
Sondaı-aq sol jyly Indonezıada ótken jastar arasyndaǵy Azıa chempıonatynyń qola júldesin jeńip alǵan.
Jaqyndary men týystary jas sportshyny búgin máńgilik saparǵa shyǵaryp salady. Ázirge, gımnastyń mezgilsiz dúnıeden ótýine ne sebep bolǵany aıtylǵan joq.