X-Graft jabyny zamanaýı ınjenerlik tehnologıalar kómegimen kollagen jáne elastın talshyqtarynan jasalǵan.
X-Graft bıologıalyq jabyny klınıkalyq zertteýlerden ótip, kóp uzamaı Qazaqstan Respýblıkasynda tirkeledi, dep habarlaıdy Almaty-akshamy.kz
Zertteý nátıjeleri atalǵan bıologıalyq materıaldy qoldaný jarany emdeý prosesin edáýir tezdetetinin kórsetti. Sonymen qatar naýqastardyń aýrýhanada emdelý kezeńin qysqartady.
«Ortalyq ǵalymdary ázirlegen X-Graft jabyny zamanaýı ınjenerlik tehnologıalar kómegimen kollagen jáne elastın talshyqtarynan jasalǵan. Tańý materıaly tereń jáne uzaq ýaqyt emdelmeıtin jaralarǵa arnalǵan, sonymen qatar trofıkalyq jaralardy ýaqytsha tańý úshin qoldanylady. Jabyn qoldanysta yńǵaıly, dáke tańǵyshpen salystyrǵanda jaranyń betine jabyspaıdy. Emdik qasıetteri boıynsha atalǵan bıologıalyq jabyn sheteldik analogtardan kem túspeıdi jáne beriktigi joǵary, ıkemdi ári absorbsıaǵa ıe», – dedi QR BǴM Ulttyq bıotehnologıa ortalyǵynyń bas dırektory Erlan Ramanqulov.