Quttyqtaýǵa sebep – Aqylbek Japarovtyń Qyrǵyz Respýblıkasy Mınıstrler Kabınetiniń Tóraǵasy qyzmetine taǵaıyndalýy.
Qazaqstan Respýblıkasynyń Premer-Mınıstri Asqar Mamın Aqylbek Japarovqa Qyrǵyz Respýblıkasy Mınıstrler Kabınetiniń Tóraǵasy qyzmetine taǵaıyndalýyna baılanysty quttyqtaý joldady, dep habarlaıdy Almaty-akshamy.kz
Quttyqtaý haty Qyrǵyz Respýblıkasy Úkimetiniń saıtynda jarıalandy.
Qazaqstan Premer-Mınıstri birlesken kúsh-jiger respýblıkalar arasyndaǵy qatynastardyń barlyq spektrinde ózara árekettestikti odan ári damytýǵa yqpal etetinin atap ótti.
«Eki memleket arasyndaǵy dástúrli túrde baýyrlastyq pen tatý kórshilik prınsıpterine negizdelgen ózara tıimdi jáne syndarly yntymaqtastyq bizdiń el halyqtarynyń negizgi múddelerine sáıkes keledi», - dedi ol.
Asqar Mamın Aqylbek Japarovqa myqty densaýlyq, baq-bereke jáne memleket ıgiligi jolyndaǵy qyzmetinde sáttilik, al qyrǵyz halqyna beıbitshilik pen órkendeý tiledi.