Qazaqstandyq fýtbolshy Nuraly Álipke fransıalyq "PSJ" jáne anglıalyq "Manchester Sıtı" komandalarynan usynys túsken, dep habarlaıdy Almaty-akshamy.kz.
Bul týraly "Qaırat" fýtbol klýbynyń baqylaý keńesiniń tóraǵasy Qaırat Boranbaev bloger Artýr Asqarulyna bergen suhbatynda aıtylǵan.
"Bizde "PSJ" jáne "Man Sıtıden" usynys bar. Jalpy, ortaq áńgime deýge bolady. Basqa klýbtardan da usynystar túsip jatyr", - dedi Qaırat Boranbaev. Aıta keteıik, qazir Nuraly Álip reseılik "Zenıt" fýtbol klýbynda oınaıdy. Ol osy maýsymda 37 mach ótkizip, 1 gol soqty. Sondaı-aq Reseı chempıony atandy jáne el kýbogyn jeńip aldy. Nuraly – Aqtaýdyń týmasy. Segiz jasynan bastap "Kaspıı" akademıasynda fýtbolmen aınalysqan. 2015 jyly "Qaırat" akademıasyna aýysyp, arada úsh jyl ótken soń osy klýb sapynda alǵash ret alańǵa shyqty. Nuraly "Qaırat" sapynda jalpy esebi 99 mach ótkizgen.
Transfermarkt portalynyń málimetinshe, fýtbolshynyń transferlik naryqtaǵy quny – 3 mıllıon eýro.