Halyqaralyq fotosharalarda qazaqstandyq fotosýretshiniń eńbekteri úlken suranysqa ıe.
Aleksandr Vlasúktiń qaıtalanbas sátterdi qalt jibermeı saqtap qalý qamynda qolǵa alǵan súıikti isi. Áýestigin ómirlik hobbıge aınaldyrǵan otandyq fotosýretshi - birqatar bedeldi baıqaýlardyń jeńimpazy. Jaqynda «Kazakhstan Diagamma 2022» synynda sheberlik baıqasqan 260-qa jýyq qatysýshynyń aldyn orap, top jardy, dep habarlaıdy Almaty-akshamy.kz Qazaqtv.com-ǵa silteme jasap.
Bul az deseńiz, Halyqaralyq fotosýret óneriniń federasıasy jáne amerıkalyq fotosýret qoǵamnyń beldi sharasynda onyń «Balqash», «Jaǵajaı maýsymy» jáne «Sovenok Greı» jumystary eki altyn alqa qanjyǵalap, qurmet lentasy taǵyldy.
"Men 14 sýret jiberdim. Olardyń ishinen 12 jumysym iriktelip, úsheýi marapatqa ıe boldy. Bul tek ózińniń babyńdy synap, ózge qatysýshylarmen sheberlik almasý úshin qajet boldy. Óıtkeni, ol jerde álemniń ár jerinen kelgen eńbekter qoıyldy. Ózimdi tanytyp, baǵalaý úshin qatystym", - deıdi fotosýretshi Aleksandr Vlasúk.
Aleksandr qorshaǵan ortanyń ereksheligin sýretke túsirýdi unatady. Ol úshin el aralap, tabıǵat aıasynda saıahatqa jıi shyǵyp turady. Onyń aıtýynsha, fotonyń sátti shyǵýy aýa raıy men tabıǵı jaryqqa tikeleı qatysty. Bir jerdiń ózi tabıǵattyń tylsym minezine baılanysty ár kez ózge qyrynan tanylady, deıdi ol.
Óz isiniń has sheberi izin basqan daryndy jas fotosýretshiler kóp ekenin aıtady. Sıqyrly foto álemine endi aıaq basqandarǵa qatelikterge moıymaı sabaq alyp, biliktilikti shyńdaýdan talmaý kerek degen keńes beredi.