Ádilhan Erjanov túsirgen jańa kınotýyndy LA Asian Pacific Film Festival kınofestıvalinde Gran-prı júldesine (Grand Jury Award for Best Narrative Feature) ıe boldy, dep habarlaıdy Almaty-akshamy.kz
Fılmdegi oqıǵa Qaratas aýylyndaǵy mektepte órbıdi. Bilim ordasyn basyp alǵan belgisiz bireýler oqýshylardy tutqynǵa alyp, olardy bosatý úshin eshqandaı talap qoımaıdy. Qaladan kómekke shyqqan qutqarýshylar alaı-dúleı soqqan yzǵarly borannan jete almaǵandyqtan, mektep ustazy Tazshy ata-analardyń basyn qosyp, balalardy bosatýǵa bel býady.
Fılmdegi basty rólderdi Azamat Nyǵmanov, Aleksandra Revenko, Berik Aıtjanov, Danıar Alshynov, Nurlan Batyrov, Teoman Hos, Erken Gýbashev jáne Erden Telemisov somdaıdy. «Shtýrm» – reseılik LOOKFILM jáne FORESTFILM kompanıalarynyń qoldaýymen ShortBrothers prodúserlik kompanıasy túsirgen Qazaqstan men Reseıdiń birlesken týyndysy.
Sondaı-aq jobany jasaýǵa «Qazaqfılm», Cinerental kınostýdıasy jáne áıgili Nomad Stunts kaskaderler toby atsalysty.
Esterińizge sala ketsek, sáýir aıynda atalǵan fılm Fransıada ótken Festival international du Film Policier Reims Polar kınofestıvalinde Gran-prı jáne synshylardyń júldesimen marapattalǵan bolatyn.
Fılmniń senarısti jáne rejıseri Ádilhan Erjanov. Prodúserler: Serik Ábishev, Olga Hlasheva, Aleksandr Plotnıkov, Borıs Hlebnıkov, Natalá Drozd, Anna Tıhonova, Abylaıhan Áshimov, Jaıdarbek Kúnǵojınov. Qoıýshy operator Aıdar Sháripov. Qoıýshy sýretshi Ermek Ótegenov. Kompozıtory Ǵalymjan Moldanazar.