Festıvál Reseıdiń Ivanovo oblysynda 22-27 shilde aralyǵynda ótedi.
Andreı Tarkovskıı atyndaǵy «Aına» halyqaralyq kınofestıvaliniń basty baıqaýyna segiz fılm qatysady, onyń ishinde Qazaqstan, Serbıa, Grekıa, Kolýmbıa, Reseı jáne basqa da elderdiń fılmderi bar, dep habarlaıdy Almaty-akshamy.kz
Tarkovskııdiń týǵan jeri Iýreveste rejıserdiń týǵanyna 90 jyl tolýyna arnalǵan konsertpen ashylady.
Negizgi baıqaýǵa 8 fılm usynylyp otyr, bul kartınalardy túsirýge 10 memleket mamandary tartylǵan. «Aına» halyqaralyq baıqaýyna dástúrli túrde álemniń túkpir-túkpirinen kelgen avtorlyq fılmder qatysady.
Baıqaýǵa qazaqstandyq Asqar Uzabaevtyń «Baqyt» fılmi joldama alyp otyr. Aıta keteıik, rejıser Asqar Uzabaev, prodúser Baıan Alagózova túsirgen «Baqyt» fılmi turmystyq zorlyq-zombylyq máselesine arnalǵan.
Bıyl bul kartına Berlın kınofestıvalinde júldege ıe bolǵan bolatyn. Sondaı-aq baǵdarlamaǵa Reseıden Tına Mastafaevanyń «Tembot» fılmi men Marıa Ignatenkonyń «Prızrachno-belyı» kartınasy, serbıalyq Mılosh Pýshıchtiń «Jumysshy tabynyń qaharmandary», grekıalyq Krıstos Pasalıs pen Sılas Sýmekastyń «Qala men qala» fılmderi men basqa da jobalar enip otyr. Qazylar alqasyn Tarkovskııdiń kýrstasy, rejıser Alı Hamraev basqarady.