Mońǵolıanyń ulttyq merekesine oraı uıymdastyrylǵan kúres saıysynda Baıan-Ólgıı qazaǵy Serik Berdimuratuly memlekettik pil dárejeli palýan ataǵyna ıe boldy.
Serik Berdimuratuly jasyl alańda E.Sýmáabat (6-kezeń), S.Tómórsooj (5-kezeń), P.Davaadorj (4-kezeń), Sh.Chıntýlga (3-kezeń), B.Ólzıısaıhan (2-kezeń), E.Dashzeveg (1-kezeń) atty palýandardy aıqyn basymdyqpen utqan, dep habarlaıdy Almaty-akshamy.kz Elorda.info-ǵa silteme jasap.
Baıan-Ólgıı aımaǵynyń týmasy Memlekettik nachın (qaz. lashyn) Serik Berdimuratuly kúrestiń 7 kezeńinde memlekettik zaan Dorjıın Anardy jyǵyp, memlekettik «zaan» ıaǵnı memlekettik pil dárejeli palýan ataǵyna ıe boldy.
Aıta ketsek, Serik Berdimuratuly 1994 jyly týǵan. Salmaǵy 110 keli. 2011 jyly aımaqtyq pil dárejeli palýan, 2013 jyly aımaqtyq arystan dárejeli palýan, 2017 jyly memlekettik lashyn dárejeli palýan atanǵan.