Qysqy Ýnıversıadada elimizdiń atynan 78 sportshy baq synap jatyr.
AQSH-tyń Leık-Plesıd qalasynda ótip jatqan 2023 jylǵy Qysqy Ýnıversıadada mánerlep syrǵanaýdyń qysqa baǵdarlamasy boıynsha erler arasynda eki qazaqstandyq sportshy synǵa tústi, dep habarlaıdy Almaty-akshamy.kz QazAqparatqa silteme jasap.
Saıys barysynda el quramasynan Mıhaıl Shaıdorov qysqa baǵdarlama boıynsha 75,05 bal jınap, altynshy orynǵa turaqtady. Qazaqstandyq taǵy bir sportshy Dıas Jırenbaev 60.89 balmen 16-orynǵa jaıǵasty.
Osylaısha ekeýi de erkin baǵdarlama boıynsha saıysqa qatysýǵa múmkindik aldy.
Qysqa baǵdarlama boıynsha japonıalyq úsh sportshy Sota Iamamoto (101,32), Tasýıa Sýboı (84,48) jáne Shýn Sato (84,43) úzdik úshtikte tur.
Eske salsaq, dúbirli dodada elimizdiń atynan 78 sportshy baq synap jatyr.