Ótken aptamen salystyrǵanda syrqattaný kórsetkishi 3,2 esege ósken.
Qazaqstanda koronavırýspen aýryp jatqandardyń sany artyp keledi. Bul týraly Ortalyq komýnıkasıalar qyzmetinde ótken brıfıńte QR Densaýlyq saqtaý mınıstrligi Medısınalyq kómekti uıymdastyrý departamenti dırektorynyń orynbasary Kúláıim Birjanova málim etti, dep habarlaıdy Almaty-akshamy.kz.
«Álemde syrqattanýshylyqtyń ósýimen qatar Qazaqstanda da 20 maýsymnan beri KVI-men syrqattanýshylyq artqany baıqalady. Sońǵy aptada, aldyńǵy aptamen salystyrǵanda, aýrýshańdyq 3,2 ese ósti. Buryn 2558 jaǵdaı tirkelse, qazir bul kórsetkish 8156 jetti. Sońǵy táýlikte KVI+ 2 480 jaǵdaıy jáne KVI- 13 jaǵdaıy tirkeldi», - dedi spıker.
Resmı málimetterge sáıkes, olardyń 80%-ynda sońǵy vaksınalaý men revaksınasıadan keıin 6 aıdan asa ýaqyt ótken. Nur-Sultan qalasy 21 shildeden beri sary aımaqta tur, ózge óńirler – jasyl aımaqta.