Bul startap - Astana Hub halyqaralyq tehnoparkiniń rezıdenti.
AQSH-tyń 40-tan astam transporttyq kompanıasy ınovasıalyq ónimge qyzyǵýshylyq tanytyp, onyń ekeýi komersıalyq negizdegi klıentke aınalsa, úsheýi pılot aıasynda yntymaqtastyq ornatty, dep habarlaıdy aqshamnews.kz.
Call2action.ai — generatıvti jasandy ıntellekt (GenAI) negizindegi tasymal men logıstıka salalarynda jumysqa alý prosesin avtomattandyrý úshin ázirlengen álemdegi alǵashqy sheshim. Startap paıdalanýǵa daıyn SaaS-sheshim usynyp, jumysqa alý prosesin yńǵaıly ǵana emes, ekonomıkalyq turǵydan tıimdi etedi.
Jobanyń bastapqy gıpotezasy óz tıimdiligin dáleldep, komandaǵa qarqyndy túrde alǵa jyljyp, trekshndi arttyrýǵa yqpal etti. Nátıjesinde, startap ınvestısıalyq kezeńdi ashyp, venchýrlyq qorlar jáne bıznes-perishtelermen kelissózder júrgizýde. Olardyń keıbiri jergilikti edvaızer rólinde bolysyp, ınvestor atanýdy josparlap otyr.
«AQSH naryǵy Qazaqstan naryǵynan birshama erekshelenedi, biraq biz tasymal men logıstıka salasyndaǵy jumysqa alý prosesin transformasıalaý úshin zor áleýet kórdik. Silicon Valley Residency Program baǵdarlamasyna qatysýymyzdyń arqasynda Astana Hub pen Sıfrlyq damý mınıstrliginiń qoldaýymen Kremnıı alqabynda akselerasıadan ótip, birneshe aı ishinde aıtýly nátıjelerge qol jetkizdik: 40-tan astam transporttyq kompanıa qyzyǵýshylyq tanytty, olardyń ekeýimen kelisimsharttar jasaldy, úsh kompanıa pılottyq jobalardy iske qosty. Bizde pre-seed kezeńi úshin áleýetti ınvestorlar bar, sondaı-aq Persol Group pen Mitsui Group sıaqty iri japondyq korporasıalardyń nazaryn aýdardyq. Mundaı suranysty eskere otyryp, ónimimiz birneshe jyl ishinde mıllıard dollarlyq qunǵa jetedi dep úmittenemiz», — dedi Ersultan Djýsakınov, Call2action.ai bas dırektory jáne negizin teń qalaýshy.
Call2action.ai komandasy AQSH-taǵy ınovasıalyq ortalyqtarmen yntymaqtastyqty damytýdy jalǵastyrýda, onyń ishinde negizin Ortalyq Azıadan shyqqandar qalaǵan Silkroad Innovation Hub bar. Startap TechCrunch Disrupt pen CESV 2024 sıaqty eń iri halyqaralyq kórmelerde óz áleýetin kórsetip, jahandyq naryqta bolashaǵy zor oıynshy retinde tanyldy. Sondaı-aq Call2action.ai Mitsui Group-tiń 2025 jyly bastalatyn akselerasıalyq baǵdarlamasyna irikteldi.
Eske salsaq, buǵan deıin Ortalyq Azıanyń 22 perspektıvti startaby, onyń ishinde Call2action.ai de bar, AlchemistX & Silicon Valley Residency Program aıasynda Kremnıı alqabynda akselerasıalyq baǵdarlamalardan ótý múmkindigine ıe boldy. Bul baǵdarlamalar Astana Hub jáne Silkroad Innovation Hub-tyń, QR Sıfrlyq damý mınıstrliginiń, Dúnıejúzilik bank pen FPIP jobasynyń qoldaýymen júzege asyryldy.