Oqý-aǵartý mınıstri jeke orta bilim berý uıymdarynyń İ respýblıkalyq konferensıasy alańynda pedagogıkalyq ujymdarmen, jeke mektepter qaýymdastyǵynyń basshylarymen jáne ókilderimen kezdesti.
Ǵanı Beısembaev konferensıada sóılegen sózinde memleket tarapynan bilim berý uıymdaryna menshik nysanyna qaramastan jan-jaqty qoldaý kórsetilip kele jatqanyn atap aıtty, dep habarlaıdy aqshamnews.kz.
Oqý-aǵartý mınıstrliginiń málimetinshe, tek bıylǵy jyldyń ózinde 250 myń bala bilim alatyn jeke mektepterge búdjetten 161 mlrd teńge kóleminde qarajat bólingen.
«Taǵy bir mańyzdy qadamdy aıta ketýimiz kerek. Májiliste búgingi tańda Úkimettiń bastamashylyq etýimen zań jobasy qaralyp jatyr, onda jeke mektepterde bilim alatyn áleýmettik osal otbasy balalaryna memlekettik bilim berý tapsyrysy sheńberinde áleýmettik kómek kórsetý týraly norma bar. Bul degenimiz, jeke mektepterde oqıtyn balalarǵa da jalpyǵa mindetti bilim berý qory esebinen qajetti oqý-quraldaryn alýǵa qarjylaı qoldaý kórsetiledi jáne olar tegin ystyq tamaqtandyrýmen qamtylady. Bul memlekettiń jeke sektorǵa qoldaý kórsetýiniń aıqyn dáleli bola alady. Bilim berý uıymdarynyń menshik túrine qaramastan basty mindeti – elimizdiń sapaly adamı kapıtalyn qalyptastyrý. Árbir bala sapaly bilim alyp, qaýipsiz ári jaıly ortada damýy kerek», - dedi mınıstr.
Elimizde 8 myńnan astam mektepte 3,9 mln bala bilim alyp jatyr. Memlekettiń qoldaýynyń arqasynda sońǵy úsh jylda jeke mektepterdiń sany 3 ese artty. Búginde 800-den astam jekemenshik mektepte 250 myńnan astam bala oqýda.