Qazaqstannyń kásipqoı boksshysy Álı Baloev (12-1-1, 8 KO) Qytaıdyń Ýhan qalasynda ótken keshte óner kórsetti, dep habarlaıdy Almaty-akshamy.kz Sports.kz-ke silteme jasap.
Keshtiń basty jekpe-jeginde Á.Baloev 43 jastaǵy fransýz Sırıl Makıadımen (15-3-2, 6 KO) kezdesti. Olar WBO Global-dyń aýyr salmaqtaǵy (90,7 kelige deıin) beldigi úshin talasty.
Aıqas mejelengen 10 raýndtyń sońyna deıin jalǵasty jáne tóreshilerdiń biraýyzdy sheshimimen Baloevtyń paıdasyna aıaqtaldy, esep — 99:91, 100:90, 100:90.
Osylaısha, 30 jastaǵy Á.Baloev kásipqoı boks mansabynda 13-inshi jeńisine qol jetkizip, aýyr dıvızıonda WBO Global tıtýlyna ıe boldy. Sırıl Makıadı tórtinshi ret rıngte jyǵylyp otyr.