Memleket basshysy Qasym-Jomart Toqaev fýtboldan Qazaqstan ulttyq quramasyn Eýro-2024 chempıonatynyń irikteý kezeńinde Soltústik Irlandıa komandasymen ótken machtaǵy jarqyn jeńisimen quttyqtady, dep habarlaıdy Almaty-akshamy.kz. Qaqastan Prezıdentiniń Teleradıo keshenine silteme jasap.
Sondaı-aq, fýtboldan Qazaqstan ulttyq quramasynyń kapıtany Asqat Taǵybergen kórsetken qoldaýy úshin Memleket basshysy Qasym-Jomart Toqaevqa alǵys aıtyp, komanda atynan dop syılady.
Prezıdent shabýylshy Maksım Samorodovtyń Soltústik Irlandıa qaqpasyna soqqan golyn joǵary baǵalady.
Memleket basshysy Qazaqstan ulttyq quramasynyń jeńisi týraly jyly lebizin bildirip, elordalyq eriktiler men belsendilerge alǵys aıtty.
Prezıdent Qasym-Jomart Toqaev óziniń Instagram paraqshasynda Qazaqstan ulttyq quramasynyń jeńisi týraly jazba jarıalady.
«Bizdiń ulttyq quramanyń Soltústik Irlandıanyń myqty komandasymen alańdaǵy kezdesýin qyzyǵa tamashaladym. Oıyn óte qyzyqty ári tartysty ótti. Qazaq fýtbolshylary qarsylas komandaǵa tótep berip, 1:0 esebimen laıyqty jeńiske qol jetkizdi. Qazaqstan ulttyq quramasy jáne olardyń myńdaǵan jankúıerleri úshin qýanyshtymynÁsirese «Astana jastary» men basqa da uıymdar eriktileriniń, sondaı-aq jekelegen azamattardyń, belsendilerdiń úlgi alarlyq isin aıryqsha atap ótkim keledi. Olar oıynnan soń stadıonda qalyp, trıbýnadaǵy qoqysty jınap shyqty. Fýtbolshylarymyzdy jáne jastarymyzdy maqtan tutamyn», – dep jazdy Memleket basshysy.