Qarjylyq monıtorıń agenttiginiń tóraǵasy Dmıtrıı Malahovtyń tapsyrmasy boıynsha «Qarjy pıramıdalaryna qarsy is-qımyl» arnaıy jobasy iske qosyldy.
Búginde IT quraldaryn paıdalana otyryp, qarjy pıramıdalarynyń qurylǵan sátinen bastap, erte anyqtaý úshin áleýmettik jelilerge taldaý júrgizilip jatyr, dep habarlaıdy Almaty-akshamy.kz
«Bıyl buǵattaýǵa 600 myń adam aýdıtorıany qamtyǵan, myńǵa jýyq qarjy pıramıdalarynyń belgileri bar saıttar men shottardyń siltemesi jiberildi. Tek sońǵy alty aıda ınternet jelisinde 36 qarjy pıramıdasy anyqtaldy. Olar boıynsha «WhatsApp», «Telegram» jáne «Instagram» áleýmettik jelilerinde 200 chat anyqtalǵan. Búgingi tańda 182 chat buǵattaldy», - delingen habarlamada.
Osylaısha, 126 myń azamattyń odan ári qarjylyq shyǵyndarynyń aldy alyndy. 73 myń aýdıtorıasy bar 7 iri sheteldik joba boıynsha sotqa deıingi tergeý bastaldy (Eolus, Nısa, GPIBS, Darı polýchaı, Charoıt, Carhomi, Beefre). Bir pıramıda boıynsha sot úkimi bar (Eolus-úkim 23.02.2024 j. shyǵaryldy).
Sonymen qatar olardy tolyǵymen joıý úshin Agenttik qarjy pıramıdalaryn uıymdastyrdy degen kúdiktilerdiń ornalasqan jeri jaıly aqparatpen TMD boıynsha áriptesterin habardar etti.
«Áriptes eldermen ózara is-qımyl TMD elderiniń salyqtyq (qarjylyq) tergep-tekserý organdarynyń Úılestirý keńesi janynan QMA bastamasy boıynsha arnaıy jumys tobyn qurýdyń arqasynda múmkin boldy», - delingen habarlamada.
Aıta ketý kerek, qarjy pıramıdalary – áli de qarjylyq ınvestısıalar salasyndaǵy qylmystyq kórinistiń eń qaýipti modelderiniń biri. Olardyń taralýy azamattardyń qarjylyq jaǵdaıyna nuqsan keltiredi.
Mamandardyń aıtýynsha, azamattar qaryzǵa kirip, kóterme nesıe alady, qylmys pen sýısıdke barady. Munyń bári qoǵamdaǵy áleýmettik shıeleniske ákeledi, al qylmystyq elementter odan paıda tabýdy jalǵastyrýda. Osyǵan baılanysty, QMA qarjy pıramıdasyn qurǵany úshin qylmystyq jaýapkershilik kózdelgenin jáne múlki tárkilenip, 10 jylǵa deıingi merzimge bas bostandyǵynan aıyrý jazasy kózdelgenin eskertedi.