Memleket basshysy Kaspi.kz kompanıasynyń negizin qalaýshylar Vácheslav Kım men Mıhaıl Lomtadzeni qabyldady
Prezıdentke Kaspi.kz kompanıasy qyzmetiniń nátıjeleri men damý perspektıvalary týraly málimet berildi.
Vácheslav Kım men Mıhaıl Lomtadze Qasym-Jomart Toqaevqa Kaspi.kz kompanıasynyń AQSH-taǵy NASDAQ qor bırjasynda IPO-ǵa tabysty shyqqany týraly aıtty. Bul bırjada Apple, Amazon, Google jáne basqa da álemdik jetekshi tehnologıalyq kompanıalardyń aksıalary ornalastyrylǵan.
Memleket basshysy Kaspi.kz kompanıasynyń negizin qalaýshylardy aıtýly jetistigimen quttyqtady.
Sonymen qatar kezdesýde elimizge álemdik jetekshi ınvestorlardy kóptep tartý úshin ınvestısıalyq klımatty jaqsartý perspektıvalary talqylandy.