QR Ulttyq statısıka agenttiginiń Strategıalyq josparlaý jáne reformalar búrosynyń deregi boıynsha, 2023 jyldyń shildesinde áýe kóligi kásiporyndarynyń kirisi 80,5 mlrd teńgege jetti.
Buǵan deıingi maksımým 73,6 mlrd teńgeni quraǵan bolatyn jáne ol 2022 jyldyń tamyz aıynda ornatyldy, dep habarlaıdy Almaty-akshamy.kz DATA HUB Telegram arnasyna silteme jasap.
Osy jyldyń 7 aıynda kompanıalardyń jıyntyq tabysy 418,1 mlrd teńgeni qurady, ótken jyldyń sáıkes kezeńinde 276,8 mlrd teńge bolǵan edi.
Tabys ósiminiń basty sebebi – jolaýshylar aǵynynyń artýy (áýe kompanıalaryna negizgi kiristi júk emes, adamdar ákeledi).
2023 jylǵy qańtar-shilde aılarynda áýe kemeleri tasymaldaǵan jolaýshylar sany 7,3 mln adamdy qurady, bul bir jyl burynǵydan 26,1% kóp. Sonymen qatar shilde aıynda 1 mıllıon 384,9 myń jolaýshy áýe kemesimen ushyp, rekord jańartty.
Ekinshi sebep – baǵanyń ósýi. Áýe kóligi qyzmetteri 2023 jyldyń basynan 48,4% qymbattady. Ásirese aqpan (+21,5%) men sáýir (+17,7%) erekshe áser etti. Naqtyraq aıtsaq, shilde aıynda qyzmet quny 4 paıyzǵa ósti.