Beınebaılanys rejıminde Ujymdyq qaýipsizdik týraly shart uıymynyń Qorǵanys mınıstrleri keńesi janyndaǵy jumys tobynyń otyrysy ótti, dep habarlaıdy Almaty-akshamy.kz.
UQSHU-nyń Ujymdyq kúshterin materıaldyq-tehnıkalyq jáne medısınalyq qamtamasyz etý máselelerin talqylaýǵa Qazaqstan Respýblıkasy Qorǵanys mınıstriniń orynbasary general-leıtenant Muhamedjan Talasov qatysty.
«Eshelon-2022» UQSHU Jedel áreket etý ujymdyq kúshterin materıaldyq-tehnıkalyq qamtamasyz etý kúshteri men quraldarynyń arnaıy oqý-jattyǵý qorytyndylary týraly Qazaqstan Respýblıkasy Qarýly kúshteri Tyl shtabynyń bastyǵy polkovnık Nıkolaı Maslov baıandama jasady.
Kezdesýge qatysýshylar UQSHU Ujymdyq kúshterin qalyptastyrýdy qamtamasyz etý úshin materıaldyq quraldar qorlaryn qurý jóninde normatıvtik qujattardy daıyndaý máselelerin, Uıym kontıngentteri arasynda materıaldyq quraldardy berý boıynsha ózara esep aıyrysý tártibine qatysty usynymdardy qarady.
Otyrysta daǵdarystyq jaǵdaılar týyndaǵan kezde áskerler toptaryn jedel ornalastyrý barysynda áýe kemelerine qyzmet kórsetýdi uıymdastyrý úshin materıaldyq qorlar qurý týraly da aıtyldy.
Odan basqa, áskerı ǵylym salasyndaǵy yntymaqtastyq jáne UQSHU Ujymdyq kúshterin materıaldyq-tehnıkalyq qamtamasyz etý júıesin jetildirý máseleleri tóńireginde pikir almasyldy.