Oǵan 200-den astam áskerı qyzmetshi qatysty.
Reseı Federasıasynyń áskerı oqý oryndarynda topografıalyq mamandyq boıynsha bilim alyp jatqan qazaqstandyq ofıserler men kýrsanttar alǵash ret «Gorızont-2021» topogeodezıalyq jáne navıgasıalyq qamtamasyz etý boıynsha taktıkalyq-arnaıy oqý jattyǵýlaryna qatysty, dep habarlaıdy Almaty-akshamy.kz QR Qorǵanys mınıstrliginiń baspasóz qyzmetine silteme jasap.
Oqý jattyǵýlary Novgorod oblysy Borovıch qalasyndaǵy ekspedısıalyq topogeodezıalyq jasaqtyń oqý-jattyǵý ortalyǵy bazasynda ótti. Oǵan 200-den astam áskerı qyzmetshi qatysty.
Qazaqstandyq áskerı qyzmetshiler Qazaqstan Respýblıkasy Qarýly Kúshteri Bas shtabynyń Geoaqparattyq qamtamasyz etý departamenti men Reseı Federasıasy Qarýly Kúshteri Bas shtabynyń Áskerı-topografıalyq basqarmasy arasyndaǵy ýaǵdalastyqtar sheńberinde oqý-jattyǵýlaryna qatysty.
Qazaqstandyq áskerı qyzmetshiler dalalyq jaǵdaılarda topogeodezıalyq tehnıka men aspaptarda jumys istep, operasıalardy topogeodezıalyq qamtamasyz etýdi josparlaýǵa qatysty.Áskerı topograftar qysqa merzimde jergilikti jerdiń arnaıy kartalaryn, fotojosparlary men maketterin jasady.
Qazirgi zamanǵy baǵdarlamalyq-apparattyq keshenderdiń kómegimen ártúrli mindetterdi sheshý úshin áskerlerge qajet kartografıalyq materıaldardy basyp shyǵarýǵa daıyndyq júrgizildi.
Oqý-jattyǵý nátıjeleri boıynsha, sondaı-aq Reseı joǵary áskerı oqý oryndarynyń profesorlyq-oqytýshylar quramymen jáne tyńdaýshylarymen tájirıbe almasý barysynda qazaqstandyq áskerı qyzmetshiler áskerlerdi geoaqparattyq qamtamasyz etý mindetterin josparlaýdy jáne oryndaýdy uıymdastyrýda is júzinde daǵdylarǵa ıe boldy.
Qazaqstandyq mamandardyń jumysy joǵary baǵalandy. Aldaǵy ýaqytta da elimizdiń áskerı topograftary osyndaı oqý-jattyǵýlarǵa turaqty negizde qatysatyn bolady.