Oıyn-saýyq kim-kimniń de kóńilin jadyratady
Almatynyń Kóktem-1 shaǵynaýdanynda turamyn. Bizge Hamıt Erǵalı jaǵalaýy jaqyn. Bálkim, sondyqtan bolar, sol mańda serýendegendi jaqsy kórem. «Dúnıede máńgi eki nársege qarap tura berýge bolady, ol ot pen sý» depti fılosoftar. Rasynda da, joǵarydan tómen qulap aǵyp jatqan sarqyrama, ózendi kórseńiz, tynyǵasyz. Al alaýdy aıtsańyzshy! Keshqurym qyzyl jalyn romantıkaǵa bóleıdi. Bir sát tirlikten oıdy bóledi.
Sondaı sezimmen kóshege shyqtym. Sý arnasynyń boıynda qazaqtyń jas jigitteri ándetip jatyr eken. Aınalasy úlkendi-kishili adam, bala-shaǵa. Asa shabyttanǵandary qolyndaǵy tıyn-tebenin tastaýda.
Men de birshama tyńdadym. Ornymnan kóterile bergende, «Tıtanık» fılmindegi saýndtrek oryndala bastady. Bul naǵyz ǵashyqtar áni. Qoryta aıtqanda, kúndelikti jalǵasyn taýyp otyratyn tamasha keshterdiń biregeıine balap, úıge oraldym.