Sahna mádenıeti týraly másele zerttelip jatyr.
Qazaqstandyq ártisterdiń sahna mádenıeti týraly másele qaralýda. Bul týraly QR Mádenıet jáne sport vıse-mınıstri Kúmis Seıitova málimdedi, dep habarlaıdy Almaty-akshamy.kz.
«2020 jyly Mádenıet týraly zańnamaǵa túzetýler engizildi. Olarǵa sáıkes, konsertter men basqa da mádenı is-sharalarǵa qatysty normalar kózdelgen. Iaǵnı, ártis ózin kórermenderdiń aldynda durys ustaýy kerek. Sonymen qatar, fonogramǵa qoıylatyn talaptar da bar. Eger ánshi fonogrammen óner kórsetse, ol bul týraly eskertýi kerek. Biraq qoldanystaǵy Ákimshilik quqyqbuzýshylyq týraly kodekste eshqandaı jaza nemese aıyppul qarastyrylmaǵan», - dedi Kúmis Seıitova.
Mınıstr orynbasarynyń aıtýynsha, zańnamaǵa túzetýler engizý - úlken proses. Qazir ártisterdiń sahna mádenıeti týraly másele zerttelip jatyr. Atap aıtqanda, zańdy jáne jeke tulǵalarǵa qatysty 150-den 2000 AEK-ke deıin aıyppul salý kózdeledi.
Aıta keteıik, bul sharalar áli kúshine engen joq, tek qarastyrylyp jatyr.
Kúmis Seıitova bul másele ártistermen jáne konsert uıymdastyrýshylarymen talqylanatynyn jáne osy túzetýler jaqyn arada kúshine enýi múmkin ekenin tilge tıek etti.