Ótinim qabyldaý 2022 jyldyń 1 qazanynda bastalyp, 20 qazanǵa deıin jalǵasady.
Aqparat jáne qoǵamdyq damý mınıstrligi «Jyl volonteri» halyqaralyq syılyǵyn alýǵa baıqaý bastalǵanyn málim etti, dep habarlaıdy Almaty-akshamy.kz Elorda.info caıtyna silteme jasap.
Bul joba Memleket basshysynyń ıdeıasymen 2020 jyly ómirge kelgen edi.
Syılyq volonterlik qozǵalysty damytýǵa jáne qoldaýǵa, sondaı-aq, áleýmettik jáne qoǵamdyq paıdaly mindetterdi sheshýge eleýli úles qosqan otandyq jáne halyqaralyq volonterler men volonterlik toptardy, volonterlik uıymdardy kótermeleýge jáne yntalandyrýǵa baǵyttalǵan.
Konkýrsqa qatysý úshin qazvolunteer.kz ınternet-platformasynda volonterlik qyzmet boıynsha ótinim berip, qosymsha derekterdi toltyrý qajet.
Ótinim qabyldaý 2022 jyldyń 1 qazanynda bastalyp, 20 qazanǵa deıin jalǵasady.
Baıqaý eki kezeńde ótedi:
Birinshi kezeń – qazvolunteer.kz ınternet-platformasynda ashyq onlaın-daýys berý;
Ekinshi kezeń – ár nomınasıa boıynsha joǵary daýys jınaǵan 10 úmitkerdi Konkýrstyq komısıanyń baǵalaýy.
Nátıjesinde tómende kórsetilgen nomınasıalardyń árqaısysy boıynsha úsh úmitker jeńimpaz dep tanylady:
- «Úzdik volonterlik uıym»;
- «Korporatıvtik volonterlik kóshbasshysy»;
- «Turaqty damý maqsattarynyń kóshbasshylary»;
- «Úzdik áleýmettik kómekshi»;
- «Tótenshe jaǵdaılardy joıýǵa belsendi qatysqany úshin»;
- «Habar-osharsyz ketken adamdardy izdeýge belsendi qatysqany úshin»;
- «Quqyq buzýshylyq qurbandaryna kómek kórsetýge belsendi qatysqany úshin»;
- «Densaýlyq saqtaýdy damytýǵa belsendi qatysqany úshin»;
- «Salaýatty ómir saltyn nasıhattaýǵa belsendi qatysqany úshin»;
- «Bilimdi dáripteýge qosqan úlesi úshin»;
- «Qorshaǵan ortany saqtaýǵa jáne qorǵaýǵa qosqan úlesi úshin»;
- «Beıbitshilikti, dostyq pen kelisimdi nyǵaıtýǵa qosqan úlesi úshin»;
- «Tarıhı-mádenı murany saqtaýǵa jáne damytýǵa qosqan úlesi úshin»;
- «Zoologıalyq qorǵaý máselelerin sheshýge qosqan úlesi úshin»;
- «Áleýmettik mindetterdi sheshýge qosqan úlesi úshin».
Jeńimpazdar 5 jeltoqsanda Halyqaralyq volontór kúnin merekeleýge arnalǵan saltanatty jıynda marapattalady.
Qosymsha suraqtar boıynsha AQDM Azamattyq qoǵam isteri komıteti Qaıyrymdylyq jáne volonterlik máseleleri jónindegi basqarmasynyń mamandaryna 87172 741286 jáne 87172 741074 nomerleri arqyly habarlasýǵa bolady.