Mýzykalyq oryndaýshy Qazybek Ádikeı «Almaty – bizdiń ortaq úıimiz» naýqanyn ótkizip, oǵan qazaq tilinde «Súıikti Almaty» ánin jazyp, ony Instagram-daǵy akkaýntyna jarıalady. https://www.instagram.com/p/C5gh6wXtMQ8/
Ánin Kentaý Nazarbek, sózin Dáýlet Qurmanǵalıev jazǵan. Ánniń shýmaǵy men qaıyrmasynda ánshi Almaty qalasynyń negizgi kórikti jerlerin atap, olardyń qanshalyqty ádemi ekenin aıtqan. Olardyń arasynda Alataý, Kóktóbe, Medeý, Shymbulaq bar. Án arqyly ol qala turǵyndaryn qalys qalmaýǵa, senbilikke shyǵyp, aýmaqtardy tazartýǵa qatysýǵa shaqyrdy.
Jazbanyń astyndaǵy pikirlerde jankúıerler ánniń shabyt beretin aıtyp, jańa ánniń sátti shyqqanyn jazdy.
Esterińizge sala keteıik, 8 sáýirde «Almaty – bizdiń ortaq úıimiz» naýqany bastaldy. Árbir turǵyn qalany damytý men kórkeıtýge úles qosa alady.
Barlyq aqparat almaty.kz saıty men Almaty ákimdiginiń áleýmettik jelilerindegi paraqshalarynda jarıalanady. Sondaı-aq, qaladaǵy banner, plakat jáne afıshalardaǵy arnaıy QR-kod arqyly veb-saıtqa kirýge bolady.
Naýqannyń belsendi qatysýshylaryna arnalǵan áleýmettik jelidegi heshtegter: #AlmatyNashObshııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.