Qar, jańbyr jaýyp, sý deńgeıiniń kóterilýi múmkin ekeni boljandy.
"Qazgıdromet" RMK 2024 jyldyń 10-12 sáýir aralyǵynda Qazaqstannyń basym bóliginde aýa raıy kúrt ózgerýi múmkin ekenin eskertti, dep habarlaıdy Almaty-akshamy.kz
Sınoptıkterdiń málimetinshe, respýblıkamyz boıynsha qatty jaýyn-shashyn men jel bolyp, saldarynan sý deńgeıiniń kóterilý qaýpi joǵarylaıdy.
10 sáýirde Aqmola oblysynda túnde qar aralas jańbyr, kúndiz jańbyr jaýady. Túnde jáne tańerteń oblystyń batysynda, soltústiginde, shyǵysynda tuman túsýi yqtımal. Oblystyń batysynda, soltústiginde, shyǵysynda batystan, soltústik-batystan 15-20 m/s jyldamdyqpen jel soǵady.
Sý deńgeıi joǵarylaı túsedi dep kútiledi. Vedomstvo sý qaýipti mejeden asqan kezde ózen jaǵasynda jáne onyń aǵysy boıynsha tómen ornalasqan eldimekenderdi, sharýashylyq nysandardy, jergilikti mańyzy bar joldardy sý basý qaýpi saqtalatynyn eskertti.
10 sáýirde Astanada túnde jáne tańerteń tuman túsedi dep kútiledi.
Jetisý oblysynyń ońtústiginde, shyǵysynda sınoptıkter ońtústik-batystan 20 m/s, keı tusta 23-28 m/s jyldamdyqpen jel soǵatynyn boljaıdy.
Soltústik Qazaqstan oblysynda túnde jaýyn-shashyn (jańbyr, qar), kúndiz negizinen jańbyr jaýady. Túnde jáne tańerteń oblystyń soltústiginde, shyǵysynda tuman, kóktaıǵaq bolady dep kútiledi. Kúndiz oblystyń soltústiginde, shyǵysynda, ońtústiginde soltústik-batystan, soltústikten soqqan jeldiń ekpini 15-20 m/s deıin jetedi. Petropavlda túnde jaýyn-shashyn (jańbyr, qar), kóktaıǵaq bolady, kúndiz jańbyr jaýady dep boljanady. Túnde jáne tańerteń tuman bolady.
Kúndiz Batys Qazaqstan oblysynyń soltústiginde, shyǵysynda qatty jańbyr, naızaǵaı bolady dep boljanady. Túnde jáne tańerteń oblystyń soltústiginde, shyǵysynda tuman túsedi. Oralda arakidik qatty jańbyr jaýyp, naızaǵaı oınaıdy dep kútiledi.
Túnde Aqtóbe oblysynyń shyǵysynda, kúndiz batysynda, soltústiginde jańbyr jaýady. Túnde jáne tańerteń oblystyń batysynda, soltústiginde tuman túsýi yqtımal.
Semeıde (Abaı oblysy) jańbyr jaýady. Kúndiz qalanyń batysynda ońtústik-batystan soqqan jeldiń ekpini 15-20 m/s deıin jetedi.
Óskemende (Shyǵys Qazaqstan oblysy) jańbyr jaýady. Kúndiz ońtústik-shyǵystan ońtústik-batysqa oıysa soqqan jeldiń ekpini 15-18 m/s deıin jetedi.
Pavlodar oblysynda jańbyr jaýady, túnde oblystyń soltústiginde tuman túsedi. Oblystyń ońtústiginde, batysynda batystan soqqan jeldiń ekpini 15-20 m/s quraıdy. Pavlodarda jańbyr jaýady.
"10 sáýirde túnde Qaraǵandy oblysynyń soltústiginde, shyǵysynda, ortalyǵynda sınoptıkter jańbyr jaýady dep boljaıdy. Túnde jáne tańerteń oblystyń soltústiginde tuman bolady. Kúndiz batystan soqqan jeldiń ekpini 20 m/s deıin jetedi. Qaraǵandyda jańbyr jaýady dep kútiledi. Múnda batystan soqqan jeldiń ekpini 15-20 m/s quraıdy", delingen "Qazgıdromet" RMK aqparatynda.
Ulytaý oblysynyń soltústiginde, shyǵysynda, ortalyǵynda jańbyr jaýady, batystan jel soǵady. Oblystyń soltústiginde, shyǵysynda soqqan jeldiń ekpini 15-20 m/s deıin jetedi. Jezqazǵanda arakidik jańbyr jaýady.
Qostanaı oblysynyń batysynda, soltústiginde, shyǵysynda túnde jaýyn-shashyn (jańbyr, qar), kúndiz jańbyr jaýady. Oblystyń ońtústiginde tuman túsýi yqtımal.
"Qostanaı oblysynda jaýyn-shashynnyń kóp túsýine baılanysty 2024 jyly 10-12 sáýir aralyǵynda qar qarqyndy erip, sondaı-aq oblystyń soltústik jáne shyǵys ózenderindegi sý deńgeıiniń kóterilýi jalǵasady. Sýdyń synı mejeden asýy múmkin", dedi "Qazgıdromet" RMK.