Darhan Tólegenovtiń «Aǵaıyndylar» atty debúttik kartınasy nemistiń Oldenbýrgtegi bedeldi kınoforýmynda «Spirit of Cinema» arnaıy júldesin jeńip aldy.
Aıta keteıik, fılm eýropalyq «Sandens» dep atalyp ketken álemdegi jetekshi festıválde usynylǵan alǵashqy qazaqstandyq taspa boldy. Kartınada balalar úıiniń túlegi ómiriniń dramalyq tarıhy baıandalady. Keıin ol inisin kezdestiredi. Odan keıin aǵaıyndylar otbasyn tabýǵa úmittenip, ákesin izdeı bastaıdy.
«Bul fılm týysqandyq qarym-qatynas, mahabbat týraly. Osyny negizge ala otyryp, men bir-birin múldem bilmeı ósken eki adamnyń qandyq baılanysynyń myqtylyǵyn kórsetkim keldi. Men baýyrlastyq taqyrybyn kóbirek zerttegim keledi. Men úshin fılmderimde otbasy taqyryby óte mańyzdy jáne ol barlyq ýaqytta ózekti bolyp qala beredi. Sondyqtan týysqandyq qatynas týraly fılderdi zerttep, ony túrli oqıǵa jelisimen berýge bolady», - «Aǵaıyndylar» fılminiń rejıseri Darhan Tólegenov.
«Aǵaıyndylar» fılmi AQSH, Kanada, Reseı jáne Albanıadaǵy kınofestıvalderdiń resmı baǵdarlamalaryna engen. Kartına kelesi jyldyń basynda otandyq prokatqa shyǵady.