Mańǵystaýlyq Ábý-Bákir Jánibek jıý-jıtsýdyń faıtıng baǵdarlamasynda álem chempıony atandy, dep habarlaıdy Almaty-akshamy.kz Mańǵystaý oblystyq sport basqarmasynyń baspasóz qyzmetine silteme jasap.
Mońǵolıa astanasy Ýlan-Bator qalasynda jıý-jıtsýdan álem chempıonaty ótip jatyr. Álem birinshiligine 41 memleketten 500-den astam sportshy kelip, baq synaýda. Álem chempıonatynda ulttyq qurama sapynda mańǵystaýlyq 7 sportshy baq synady. -62 keli salmaqta Ábý Bákir Jánibek altyn júlde alsa, kúmis júldeni kolýmbıalyq sportshy, qola júldeni shveıasıalyq sportshy jáne qazaqstandyq Aslan Qanatbek ıelendi. Osyǵan deıin Ábý Bákir eresekter arasynda álem chempıonatynyń 5 dúrkin qola júldegeri bolyp, 2023 jyly álem chempıony atandy. Sondaı-aq sportshy aqpan aıynda Bangkokta (Taıland) jıý-jıtsýdan Azıa chempıony atanǵan bolatyn. Álem chempıonaty 15 shilde bastalyp, 21 shildege deıin jalǵasady.