Elimizdiń kásiporyndary TMD-da úzdikter qatarynda.
Otandyq ónerkásip oryndary qyzmetin syrtqy naryqqa da usynyp keledi, dep habarlaıdy Almaty-akshamy.kz Qazaqtv.com saıtyna silteme jasap.
Sonyń biri – elordadaǵy polıgrafıa ortalyǵy. 100 adam jumys isteıtin mekeme shaǵyn kásipkerlik sýbektiler arasynda úzdik shyqsa, Pavlodardaǵy qubyr óndiretin kompanıa iri bıznes qurylymdardyń kóshin bastady. Atyraýdaǵy bekitpe bólshekterin shyǵaratyn kásiporyn munaı-gaz salasyna úzdik qyzmet kórsetýshi atandy.
«Bıznes prosesterdiń joǵary standartqa sáıkestendirilýi kórsetiletin qyzmet pen jasalatyn ónimniń sapasyn jaqsartýǵa jol ashady. Halyqaralyq sarapshylar osy jaǵdaıdy baǵamdaıdy. Qazaqstannyń 5 birdeı kásiporny úzdik degen baǵaǵa ıe boldy. Baıqaýdyń 17 jyldyq tarıhynda biz mundaı kórsetkishke qol jetkizbegenbiz», - deıdi «Atameken» ulttyq kásipkerler palatasynyń basqarýshy dırektory Saltanat Ábdikárimova.
Baıqaý óndirýshilerdiń áleýetin jaqsartyp, ózara saýda aınalymyn arttyrýdy maqsat etedi. «TMD úzdik sapa» belgisine ıe bolǵan bıznes seriktester úsh jyl boıy ónimderin álemdik naryqqa usyna alady.