«Azamattarǵa arnalǵan úkimettiń» Biryńǵaı baılanys ortalyǵy marapattaý rásimi Máskeýde ótken CSGuru Awards/Hrýstalnaıa garnıtýra halyqaralyq saıysta «Halyqqa arnalǵan úzdik baılanys ortalyǵy» nomınasıasynda qazylar alqasynyń joǵary baǵasyna ıe boldy, dep habarlaıdy almaty-akshamy.kz.
Baıqaýǵa 440-tan astam úmitker qatysty. Qazaqstan, Reseı jáne Belarýs elderiniń 150-den astam baılanys ortalyqtary úzdik ataǵyna talasty. 2024 jyldyń qańtarynda 1414 fınalǵa shyǵyp, aqpan aıynda CCGuru Awards qazylar alqasynyń múshelerin Biryńǵaı baılanys ortalyǵynyń keńsesinde qabyldaǵan bolatyn. Baıqaý komısıasynyń ókilderi ortalyqtyń jumysymen jáne aqparattyq júıelermen tanysty.
Aıta keter bolsaq, CSGuru Awards/ Hrýstalnaıa garnıtýra 15 jyldan astam ýaqyt boıy quzyrly qazylar alqasynyń sheshimimen jyl saıyn baılanys-ortalyq ındýstrıasynyń jáne klıenttermen qashyqtyqtan ózara árekettesýdiń úzdikterine beriledi. Marapat kásibı Qoǵamdastyqtyń joǵary jetilý jáne damý deńgeıin moıyndaýyn kórsetedi, baılanys ortalyqtarynda klıenttermen qashyqtyqtan ózara árekettesý salasyndaǵy qatysýshylardyń joǵary jetistikteri men nátıjelerin rastaıdy.
Biryńǵaı baılanys ortalyǵy Memlekettik korporasıanyń quzyryna 2021 jyly ótken bolatyn. Mamandar azamattarǵa aýdıo-beıne baılanys, sondaı-aq onlaın chat jáne elektrondyq poshta arqyly 1354 memlekettik qyzmet boıynsha keńes beredi. Sonymen qatar, jelide azamattarǵa keńes berip qana qoımaı, keıbir memlekettik qyzmetterdi, sonyń ishinde Halyqqa qyzmet kórsetý ortalyǵynda kezekke turýdy da usynatyn robot jumys isteıdi. Qosymsha aıtar bolsaq, jyl basynan beri baılanys ortalyǵyna 7,2 mıllıonnan astam qońyraý túsken.