6-7 sáýir aralyǵynda Almatydaǵy Shymbulaq taý kýrortynyń aýmaǵynda Gorilla Winter Jungle sporttyq-mýzykalyq festıvali ótedi.
Bul halyqaralyq jarys - Qazaqstandaǵy qysqy ekstrımniń basty sharasy, ol jyl saıyn elimizdegi snoýbordıng pen taý shańǵysynyń damýyna zor úlesin qosyp keledi. Jeti jyldyq tarıhynda shara óz aınalasynda aýqymdy qoǵamdastyq qurdy, dep habarlaıdy almaty-akshamy.kz.
2024 jyly Winter Jungle Shymbulaq kýrortynyń dál ortasynda ótedi. Negizgi stansıa Almaty qalasynyń turǵyndaryn, sheteldik týrıser men kórshi elderden kelgen qonaqtardy jınaıtyn ortalyqqa aınalady. Bul 70-shi mereıtoı maýsymynyń sońǵy akordy bolmaq. Festıvál qonaqtaryn eki kúndik sporttyq jáne mýzykalyq baǵdarlama kútedi.
Bıyl uıymdastyrýshylar sharany eki kúndik festıválge deıin keńeıtý týraly sheshim qabyldady. Dástúrli Big Air, Jibbing jáne bárine unaǵan The Battle baǵyttarynan basqa jańa jarys paıda boldy – ol Jungle Sross, arnaıy trassada ótetin ushyp ketý qaýpi bar jarys.
"Men osy jylǵy Winter Jungle-den keremet kóńil-kúıdi, jańa adamdardy jáne sharadan shabyt alyp, odan ári ekstremaldy sportpen aınalysatyn jarqyn jastardy kútemin. Bizdiń maqsatymyz - Qazaqstandaǵy ekshn-sport mádenıetin damytýǵa úles qosý!" – deıdi Gorilla Winter Jungle festıvaliniń prodúseri Aleksandr Kýchýra.
Qazaqstandyq raıderlardan bólek jarysqa Reseı, Polsha, Avstrıa, Fınlándıa, Fransıa jáne Serbıa elderinen kelgen shańǵyshylar men snoýbordshylar qatysady.
"Alǵashynda meni Qazaqstanǵa shaqyrǵan kezde - men ne kútetinimdi bilmedim. Men standartty emes ıdeıalardy júzege asyratyn sharalardyń úlken jankúıerimin jáne Gorilla Winter Jungle sózsiz solardyń biri", - deıdi Freeski jarysynan Polshanyń 12 dúrkin chempıony, "The Battle" sporttyq baǵdarlamasynyń basty sharasyna shaqyrylǵan qatysýshylardyń biri Sczepan Karpiel-Bulecka.
Halyqaralyq jarystardan bólek - festıvál qonaqtaryn 20-dan astam ártister men dıdjeılardan quralǵan alýan túrli janrlardaǵy baı mýzykalyq baǵdarlama kútedi. Festıváldiń basty sahnasyndaǵy hedlaınerler: birinshi kúni LOVANDA dýeti, al sporttyq-mýzykalyq festıváldiń ekinshi kúninde hıp-hop ártis KASSETA óner kórsetedi.
Sondaı-aq, 6-7 sáýirde Winter Jungle baǵdarlamasynda jas aýdıtorıanyń talǵamyna saı keletin, qazaqstandyq táýelsiz mýzykanyń ókilderi - MENINDENIMSAW, RUSHA jáne ALON bar. Negizgi sahnanyń laın-apynan bólek Cosmic Picnic jáne Vyhod - Almaty qalasynyń jetekshi promo-komandalarynyń kúndizgi shoý-keısteri ótedi.
"Gorilla Winter Jungle - bul jaı ǵana jarys emes. Ártúrli elderden kelgen dostardyń jınalatyn orny, keremet mýzyka men atmosfera. Bul shara jaqyn arada álemdegi eń úlken qaýymdastyqqa aınalady dep úmittenemin!" – deıdi "Gorilla" Brendiniń ambassadory, Qazaqstannyń jetekshi ınflúenserleriniń biri Sáken Kagarov.